Ընտանիքում երրորդը և հաջորդը ծնված 6454 երեխայի արդեն նշանակվել է 50 հազար դրամ աջակցություն - RadioVan.fm

Онлайн

Ընտանիքում երրորդը և հաջորդը ծնված 6454 երեխայի արդեն նշանակվել է 50 հազար դրամ աջակցություն

2022-09-28 16:26 , Политика, 249

Ընտանիքում երրորդը և հաջորդը ծնված 6454 երեխայի արդեն նշանակվել է 50 հազար դրամ աջակցություն

2022 թ․ հունվարի 1-ից հետո ծնված, կարգաթվով երրորդ և հաջորդ երեխաների համար նախատեսված 50,000 դրամ աջակցության ծրագրի շրջանակում դիմումների ընդունման գործընթացը շարունակվում է։

Այդ մասին հայտնում է ՀՀ աշխատանքի և սոցիալական հարցերի նախարարությունը՝ նշելով, որ սեպտեմբեր ամսվա դրությամբ՝ 6454 երեխայի արդեն իսկ նշանակվել է աջակցություն։

Հիշեցվում է, որ աջակցությունը տրամադրվում է մինչև երեխայի 6 տարեկան դառնալը։ Այն նշանակվում է, եթե՝

  • աջակցության համար դիմող երեխայի ծնողը ՀՀ քաղաքացի է,
  • դիմելու օրվա դրությամբ ծնողը և նոր ծնված երեխան գտնվում են Հայաստանի Հանրապետությունում,
  • դիմելու օրվա դրությամբ ծնողը, նոր ծնված երեխան և երեխայի կարգաթիվը որոշելու համար հաշվի առնված երեխաները հաշվառված են Հայաստանի Հանրապետության բնակչության պետական ռեգիստրում։

«Դիմումներն ընդունվում են ինչպես առձեռն, այնպես էլ առցանց եղանակով։ Միասնական սոցիալական ծառայության www.socservice.am կայքէջում էլեկտրոնային դիմում ներկայացնելու նպատակով՝ անհրաժեշտ է մուտք գործել կայքէջ, ընտրել «Առցանց դիմումներ» բաժնի «Սոցիալական ապահովություն․ առցանց դիմումներ» պատուհանը, ապա «Մուտքագրել 3-րդ և հաջորդ երեխայի դրամական աջակցության դիմում» ենթաբաժինը։ Բացվող պատուհանում անհրաժեշտ է լրացնել անձը հաստատող փաստաթղթում առկա տվյալները (հղումը՝ https://bit.ly/3Sx63uQ )»,-ասված է հաղորդագրությունում։

Հիշեցնենք՝ ընտանիքներում յուրաքանչյուր երրորդ և ավելի երեխային՝ մինչև 6 տարեկանը ամսական 50 հազարական դրամ աջակցության տրամադրման ծրագիրն իրականացվում է 2022 թվականի հունվարի 1-ից։

Лента

Рекомендуем посмотреть